Будимпешта, 6 ноември 2024 (МИА) - Унгарскиот премиер Виктор Орбан денеска соопшти дека кандидатот на Републиканската партија на претседателските избори во САД, Доналд Трамп е „на пат кон убава победа“, пренесоа британските медиуми.

Орбан во пресрет на изборите го поддржа Трамп, наведувајќи дека уште на почетокот на годината тој рече дека до крајот на годината условите во светот ќе бидат поинакви и дека овие промени ќе следат по победата на Доналд Трамп.

Според него, ќе се промени и односот кон миграцијата и родовите прашања.

Со освоени 247 електорски гласови, Трамп моментално води против кандидатката на Демократската партија Камала Харис, која освои 210 електорски гласови.сд/

фото:МИА архива