Мицкоски за средбата со Филипче: Одговорност, мудрост и чесност и се повеќе од потребни на Македонија
Скопје, 3 април 2025 (МИА) - Премиерот Христијан Мицкоски, кој во Владата има средба со лидерот на опозициската СДСМ Венко Филипче, на социјалните медуми кусо напиша дека се разговара за актуелните случувања и дека одговорност, мудрост и чесност и се повеќе од потребни на Македонија.
-Средба каде разговараме за актуелните случувања, и од која сакам да се знае дека одговорност, мудрост и чесност и се повеќе од потребни на Македонија, пишува на Фејсбукот на Мицкоски, премиер и лидер на владејачката ВМРО-ДПМНЕ.
Средбата се одржува на иницијатива на Филипче кој како што е најавено на премиерот и лидер на ВМРО-ДПМНЕ му го образложува неговиот план за долгорочна стратегија на државата која би се изготвила со политички дијалог.
Пред средбата Филипче во изјава за медиумите рече дека очекува конструктивен дијалог. ев/ац/
Фото: Влада
