Лукаревска: Во тек е исплатата на Мој ДДВ за последното тримесечје, предвиден е поврат во износ од 382 милиони денари
- Во тек е исплатата за месеците октомври, ноември и декември. Треба да се вратат 382 милиони денари или 6,1 милион евра, информира директорката на Управата за јавни приходи на денешната прес-к
![Лукаревска: Во тек е исплатата на Мој ДДВ за последното тримесечје, предвиден е поврат во износ од 382 милиони денари](https://new.mia.mk/images/20221105201434_big_730x400_21.webp )
Скопје, 9 февруари 2021 (МИА) - Во тек е исплатата за месеците октомври, ноември и декември. Треба да се вратат 382 милиони денари или 6,1 милион евра, информира директорката на Управата за јавни приходи на денешната прес-конференција.
Лукаревска, исто така, рече дека поврат на Викенд без ДДВ немаат добиено единствено оние што имаат внесено погрешна трансакциска сметка.
- За оние кои сè уште немаат добиено поврат на Викенд без ДДВ сметам дека тој секаде го исплативме освен каде што има грешки во трансакциската сметка, како неточно внесена или не е лична трансакциската сметка. Меѓутоа многу пати кога сме разговарале со граѓаните станува збор и за минимален износ кој не го виделе сè уште на сметката. Сè она кое го има како проблем во делот на неисплатени средства од Викенд без ДДВ сметам дека тоа е околу 1 отсто и Контакт-центарот и сите вработени работат на тоа да се расчистат овие проблеми, изјави таа.
Според неа, на сите пораки испратени преку е-адресата и преку официјалната страница, е одговорено и е констатирано дека во одредени случаи грешката е кај корисникот, но дека некогаш се јавува грешка и во налозите кои се испаќаат до Министерството за финансии.
- Постои посебна е-адреса и страница во делот на оваа мерка и секако на сите пораки е одговорено, некаде е грешка на самиот корисник, а некаде секако и во моментот кога ги испраќаме налозите кон Министерството за финанссии и исплата доколку на тој налог од повеќе илјади корисници има само една трансакциска грешка целиот тој налог ни се враќа за дополнителна обработка и корекција. Овие и слични проблеми во делот на ДДВ ќе промовираме во нареден период, кога ќе промовираме и една новина во делот на Мој ДДВ, која ќе се однесува на самиот систем, рече Лукаревска.
Директорката испрати апел до граѓаните да ги проверат трансакциските сметки и да ги извршат потребните корекции, но и доколку сменат банка да се погрижат да ја внесат новата трансакциска сметка во системот. свс/скс
![](/articles/images/lukarevska-vo-tek-e-isplatata-na-mo-ddv-za-poslednoto-tromesechie-pred/yyQWvJTG8/placeholder.webp?use_watermark=0)