Скопје, 13 октомври 2022 (МИА) - „Градење на капацитетите на училиштата“ е насловена конференцијата што од денеска до 15 октомври ќе се одржува во Скопје, во организација на Национална агенција за европски образовни програми и мобилност, по повод Еразмус денови 2022 година. Како што соопштија од Национална агенција за европски образовни програми и мобилност, оваа конференција се организира со цел подигнување и зајакнување на капацитетите на училиштата, детално и опширно запознавање со можностите кои ги нуди програмата Еразмус+ и размена на идеи и добри практики со веќе искусни Еразмус+ корисници. На отворањето на конференцијата, најавуваат, ќе се обратат вицепремиерот за европски прашања Бојан Маричиќ, претставник од ЕУ Делегација и директорот на Национална агенција Марко Ѓоргиевски. цр/мд/