Манчестер, 15 октомври 2023 (МИА) – Фудбалерот на Манчестер јунајтед, Касемиро не можеше да го заврши петочниот натпревар на Бразил против Венецуела откако се повреди.

Касемиро беше заменет во 79. минута поради проблеми со ногата. Тој побара да биде сменет поради удар во скочниот зглоб.

„Скај Спортс“ пренесува дека Манчестер јунајтед чека информации за состојбата на 31-годишниот играч.

Оваа сезона Бразилецот одигра осум натпревари во Премиер лигата и постигна еден гол. зс/

Фото: ЕПА