Кавадарци, 2 октомври 2024 (МИА) - Метални канти за пепел се поставени низ градот Кавадарци, за да не се палат контејнерите за комунален отпад за време на грејната сезона, информираа денеска од јавното комунално претпријатие.  

- На повеќе места во градот, ЈП ,,Комуналец" како и секоја година, така и оваа, во текот на зимскиот период поставува метални канти со натпис и строга намена за пепел, се со цел да не дојде до запалување на контејнерите кои се наменети за комунален отпад. Упатуваме и апел до кавадарчани, пепелта да ја исфрлаат  во овие специјализирани канти, соопштија од претпријатието. 

Оттаму нагласија дека секое несовесно однесување ќе биде пријавено и санкционирано од надлежните институции. свд/са/

Фото ,,Комуналец"