Велес, 21 јули 2026 (МИА) - Медицинска екипа на ЈЗУ Здравствен дом од Велес денеска изврши превентивни здравствени прегледи со граѓаните на Велес. Од околу 120 прегледани лица, околу 20 отсто имале покачено ниво на шеќер во крвта додека кај 10 отсто лесно покачен крвен притисок.

На  здравствени работници од екипата им помагале и две ученички од медицинската струка на ССОУ „Димитрија Чуповски“, кои се на летна пракса во оваа јавна здравствена установа.

Д-р Славица Нешова Пановски за МИА изјави  дека имало одличен интерес кај граѓаните за здравствените прегледи на велешани, претежно припадници на повозрасната популација, кои дојдоа и направија превентивен преглед .

Со вакви здраствени прегледи, пред се превентивни во услови на покачени летни температури оваа Здравствениот дом ќе продолжи и во август.ад/лв/

Фото МИА архива