Манчестер, 11 јуни 2023 (МИА) - Фудбалерот од средниот ред на Манчестер сити, Кевин де Брујне, е изложен на ризик да не игра на почетокот на следната сезона поради повредата што ја заработи во финалето на Лигата на шампионите против Интер со 1:0.

Според „Evening Standard“ на 31-годишниот играч од средниот ред му била дијагностицирана скината задна ложа. Де Брујне синоќа беше заменет во првото полувреме од финалето на Лигата на шампионите поради повреда на мускулот.

Белгиецот минатата сезона забележа 49 настапи во сите натпреварувања, постигнувајќи 10 гола и 31 асистенција.

Де Брујне е најдобар асистент во Лигата на шампионите за сезоната 2022/23. зс/

Фото: ЕПА