Скопје, 17 јуни 2022 (МИА) - Студентите од студиската програма по соло пеење на Факултетот за музичка уметност учествуваат на традиционалниот гала оперски концерт „Млади оперски надежи - Коста Трпков“ со оркестарот на Националната Установа Национална опера и балет, под диригентско водство на Андреј Наунов. Како што информираат од ФМУ, настапуваат студентите од класите по соло пеење на професорите м-р Марија Муратовска-Наумовска, д-р Горан Начевски, м-р Весна Ѓиновска Илкова и вонреден професор м-р Ана Дурловски, како и од класата по вокално студио на доцент м-р Бисера Чадловска. На програмата на концертот кој ќе се одржи денеска во Салонот на НУ Национална опера и балет со почеток во 20 часот се оперски арии и ансамбли. ар/сст/