Враќањето на Американците на Месечината е одложено
- Враќањето на човекот на Месечината во рамки на американската програма „Артемис“ е поместено од 2024 година - „најрано до 2025 година“, изјави вчера директорот на НАСА, Бил Нелсон.
![Враќањето на Американците на Месечината е одложено](https://new.mia.mk/images/20221108221049_big_730x400_49.webp )
Хјустон, 10 ноември 2021 (МИА) - Враќањето на човекот на Месечината во рамки на американската програма „Артемис“ е поместено од 2024 година - „најрано во 2025 година“, изјави вчера директорот на НАСА, Бил Нелсон. Американската Национална воздушно-вселенска администрација чекаше решавање на правниот спор околу развојот на системот за слетување на Месечината, за да објави нова временска рамка.
- Изгубивме седум месеци поради спорот и, најмногу затоа, го одложивме првото слетување на луѓе - најрано до 2025 година... Но, и поради други причини, изјави Нелсон.
Крајниот рок за 2024 година беше поставен од администрацијата на Доналд Трамп, но тој беше „технички неостварлив“, посочи Нелсон. Тој, исто така, критикуваше и за малкуте парични средства што Конгресот ги одвои последниве години за развој на систем за слетување на Месечината.
Нелсон го навести и „сега можниот датум на поаѓање“ на мисијата „Артемис 2“, којашто е прва во програмата, но тоа нема да биде „мај 2024 година“, како што беше првично најавено.
- Оваа втора мисија, ќе оди најдалеку колку што човекот некогаш отишол - до 65.000 километри зад Месечината, а потоа ќе се врати на Земјата, рече Бил Нелсон.
„Артемида 1“, првата пробна мисија на Месечината без астронаути, е најавена за февруари 2022 година, според планираното. си/ссм/
![САД месечина](/articles/images/%d0%b2%d1%80%d0%b0%d1%9c%d0%b0%d1%9a%d0%b5%d1%82%d0%be-%d0%bd%d0%b0-%d/SbPcel2Ek/placeholder.webp?use_watermark=0)