Кавадарци, 13 ноември 2024 (МИА) - Изложба на дела од ликовната уметница Мирјана Крстева Масети, беше отворена вечерва во Дом на култура ,,Иван Мазов - Климе“ Кавадарци. 

- Познатата ликовна уметница Мирјана Крстева Масети е родена во 1979 година. Таа дипломирала на Академијата за ликовна уметност во Благоевград, Бугарија, во 2001 година. Исто така, таа е основач и член на Мултимедија центар од Гевгелија. Крстева-Масети е член на Друштвото на ликовни уметници на Македонија од 2010 година. Таа е наградувана авторка, која имала над 10 самостојни и повеќе од 60 групни изложби во Македонија и во странство, а учествувала и на повеќе од 15 домашни и меѓународни ликовни колонии, појаснија од културниот дом.  

Изложбата е поддржана од Локална самоуправа на Општина Кавадарци и Министерстото за култура и туризам на Република Северна Македонија.

Пред присутните,  се обратија ликовните уметници Владимир Темков и Илија Спасов Чендо, како и уметницата. 

Директорката на Домот, Јулијана Туриманџова се осврна на делата на авторката. свд/

Фото: МИА