Кавадарци, 11 декември 2024 (МИА) - По 12 пат, навивачката група ,,Лозари исток" од Кавадарци организираше крводарителска акција во салата на општинската зграда. Мотото на акцијата беше, ,,Навиваме за живот, донираме за живот". Беа обезбедени 111 единици крв. 

На навивачите им се придружија и други хуманисти, кои одлучија да даруваат крв за да спасат живот. 

Од навивачката група рекоа дека ќе продолжат со хуманоста и понатаму. 

Акцијата беше реализирана од Институтот за трансфузиологија, во соработка со Црвен крст Кавадарци и навивачката група.

Навивачите споделија дека во изминатите 11 години организација на крводарителската акција,  дарувани биле вкупно 858 единици крв односно 386 литри. Рекорден број, во 2022 година, со вкупно 127 единици крв.

Tie апелираа за хуманост и донирање крв, за спасување живот. свд/

Фото: МИА