Кочани, 8 ноември 2025 (МИА) - Општинската изборна комисија во Зрновци денеска ги врачи уверенијата на новиот градоначалник и на членовите на новиот состав на Совет на Општина Зрновци. Свеченоста се одржа во просториите на Општината.

Нов градоначалник на најмалата општина во државата е Ванчо Митев, предложен од СДСМ и коалицијата.

Уверенија за претстојниот четиригодишен мандат добија и новите девет членови на Советот на Општина Зрновци.

Викторија Вуинов, претседател на ОИК, им посака успешен мандат на сите избрани претставници.ис/лв/

фото: фб профил на В. Митев