Софија, 4 декември 2025 – Бугарската телеграфска агенција (БТА) ќе остане место за вистински вести од секого и од секаде, со јасен извор, без рејтинзи и со слободен пристап, во служба на сите медиуми, изјави Кирил Влчев од собраниската говорница, откако Народното собрание едногласно го реизбра за втор петгодишен мандат на чело на БТА. Да се молиме Бог да биде со нас во нашите работи, додаде тој.

Ова е веста, која денеска ја избра МИА од сервисот на Бугарската телеграфска агенција (БТА), согласно Договорот за размена на информации и професионална соработка, кој предвидува секој ден националните информативни агенции на Северна Македонија и Бугарија да разменуваат по една вест, која ќе ја објават на својот интернет сајт без промени со изрично посочување и цитирање на партнерот како извор.

На почетокот од своето обраќање пред Парламентот, Влчев истакна дека гласањето за неговата кандидатура денеска е пример дека Бугарите можат да го следат заветот на нивниот небесен патрон Свети Јован Рилски – „Трудете се да живеете во единство и со еден ум“. Тоа е исто така пример дека во Бугарија можеме да ги почитуваме правилата, вклучително и роковите што самите ги усвоивме. Влчев му се заблагодари на Народното собрание за поддршката – од пратениците до службениците во медиумската комисија, кои се погрижија да биде исполнет рокот за избори.

Исполнувањето на рокот, според законот за назначување на раководител на националната новинска агенција на Бугарија, не е формална одлука, нагласи Кирил Влчев. Тој додаде дека мандатот, заедно со независниот буџет и поддршката од разни јавни кругови и политички сили, е гаранција за независноста на БТА, што е предвидено во Уставот.

Затоа, благодарност и за 75-те изјави со поддршка од вкупно околу 100 организации и поединци – Бугарската академија на науките, универзитетите, општините, работодавците, синдикатите, креативните синдикати, културните институции, уметниците, патријархот, рече Кирил Влчев.

И бидејќи денеска е денот на Свети Јован Дамаскин, во чие житие е напишано дека го следел правилото „Молчи!“, да се потсетиме дека особено во денови на тензија како овие недели, понекогаш треба да молчиме за да може Господ да ги чуе молитвите што нашите души ги упатуваат до него, потсети генералниот директор на БТА.

Затоа, да се молиме Бог да биде со нас во нашите дела за истрајност и напредок на БТА во корист на сите медиуми и Бугарија. А ова е нашата Бугарија со Балканот, морето и сите нас, во која секој пријател е добредојден, како што се пее во „Бугарска роза“, чиј текстописец Најден Влчев, синоќа почина синоќа, нека му биде светло небото, заклучи Влчев.

Медиумската информативна агенција овие текстови ги објавува во оригинална форма, согласно Договорот за размена на информации и професионална соработка меѓу двете национални новински агенции МИА и БТА.

фото: БТА