Барселона, 30 јануари 2024 (МИА) - Барселона ќе претрпи значителни финансиски загуби доколку сезоната биде неуспешна. 

Според „As“, доколку на крајот од сезоната не се пласираат во топ 4, на каталонскиот клуб следната година ќе му недостасуваат околу 60 милиони евра. Вообичаено буџетот за учество во четвртфиналето на Лигата на шампионите изнесува 10,6 милиони евра. Бонусот за пласман во плеј-офот е 9,6 милиони евра, за учество во групната фаза 15,7 милиони евра и до 25 милиони евра за осум натпревари во новиот турнирски формат.

Дополнително, доколку Барселона не се пласира во Суперкупот на Шпанија, ќе загуби најмалку 6 милиони евра - потсетуваме дека за да се квалификуваат на турнирот, Каталонците мора да го заземе првото или второто место во Ла Лига.

Исто така, доколку Барселона не се пласира на Светското клупско првенство во 2025 година, ќе пропушти најмалку 50 милиони евра од ФИФА. Во моментов на ранг-листата на УЕФА, врз основа на која се избираат учесниците, Барселона има 55, а Атлетико Мадрид 62 бода. 

Забележано е дека за да се квалификуваат за Светското клупско првенство, Барса мора да се пласира во плејофот на Лигата на шампионите две етапи подалеку од Мадрид, победувајќи на секој натпревар.

По 22 кола во Ла Лига, Барселона е на 4. место во поредокот со 42 бода. зс/

Фото: ЕПА