Арбен Фетаи: Бујар Османи подготвува заминување од политиката, секој глас за него е изгорен глас
16 април 2024
Бујар Османи преку МНР ја злоупотребил функцијата министер за надворешни работи и го одложил рокот за поднесување кандидатури за функцијата генерален секретар на Советот за регионална соработка. Одложувањето на рокот за кандидатура го потврдува и мејл од МНР објавена од медиумите, додека со ова уште еднаш се докажува дека кандидатурата на Османи не е искрена и за одење во втор круг, туку доаѓа само да го подели гласачкото тело кај Албанците и да го спречи Арбен Таравари да оди во вториот круг.
Бујар Османи подготвува заминување од политиката. Секој албански глас за него е изгорен глас.
Бујар Османи застана на страната на Вучиќ и се ракуваше со Лавров затоа што цели на функцијата генерален секретар на Советот за регионална соработка каде што му е потребна поддршката од Србија и нејзините сојузници.
За тоа сведочи и одложувањето од страна на МНР на Северна Македонија на рокот за поднесување кандидатури од земјите-членки за дополнителен месец, до 25 април, односно еден ден по претседателските избори.
Како актуелен претседавач со Процесот за соработка во Југоисточна Европа, МНР на Северна Македонија има можност да прифати кандидатури за наследник на Мајлинда Брегу, која ќе го заврши својот мандат на крајот на годината. Бујар Османи го злоупотреби своето претседавање со овој механизам за да и одговара на неговата агенда до неговиот пораз пред Арбен Таравари ноќта на 24 април.
Но и овој план нема да му успее на Бујар. Тој може да ја поднесе својата кандидатура како губитник на 25 април, но новата влада на ВЛЕН нема да ја поддржи неговата номинација до јулскиот одбор на Советот за регионална соработка. Не се сомневам дека неговата номинација ќе биде блокирана од Владата на Косово.
Бујар Османи секако ја има поддршката од Вучиќ и Додик, но Владата на ВЛЕН и таа на Ветевендосје нема да дозволат да бидат претставени од оние кои го нарушуваат националниот интерес продавајќи му на Вучиќ за валкана фотелја.
Арбен Фетаи, шеф на кабинетот на Арбен Таравари
___________________________________________________________
МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.
