Gjenevë, 14 janar 2025 (MIA) - Donald Tramp do të flasë onlajn në takimin vjetor të elitës globale politike dhe të biznesit në Davos javën e ardhshme, disa ditë pas marrjes së detyrës si president i SHBA-së, kumtoi sot Forumi ekonomik botëror.

Tramp do të bëjë betimin në Kapitol në Uashington të hënën, më 20 janar, në ditën e parë të mbledhjes së Forumit ekonomik botëror në Alpet zvicerane.

“Ai do të na bashkohet në mënyrë digjitale” më 23 janar. Ne mendojmë se do të jetë një moment shumë i veçantë dhe për të mësuar më shumë rreth asaj që administrata e re ka (përsa i përket) prioriteteve të politikave," tha kryetari i Forumit ekonomik botëror, Borge Brende në brifing me gazetarët.

Agjenda e forumit këtë vit mbahet nën temën zyrtare "Bashkëpunimi për një epokë inteligjente".

Borge tha se kryetarja e Komisionit Evropian, Ursula fon der Lajen dhe zëvendëskryeministri kinez, Ding Ksueksiang gjithashtu do të mbajnë fjalim në Forumin ekonomik botëror. ls/

Foto: Arkivi i MIA-s