Ѓорческа во три сета обезбеди четвртфинале на фјучерсот во Србија
- Победа од 2-1 во сетови (3-6, 6-2, 6-3) забележа денеска најдобрата македонска тенисерка Лина Ѓорческа во дуелот од третото коло на фјучерсот во Куршумлијска бања против домашната тенисерка Миа Ристиќ од Србија.
![Ѓорческа во три сета обезбеди четвртфинале на фјучерсот во Србија](https://new.mia.mk/images/20230928182726_big_730x400_25.webp )
Куршумлијска бања, 28 септември 2023 (МИА) – Победа од 2-1 во сетови (3-6, 6-2, 6-3) забележа денеска најдобрата македонска тенисерка Лина Ѓорческа во дуелот од третото коло на фјучерсот во Куршумлијска бања против домашната тенисерка Миа Ристиќ од Србија.
За триумфот над 17-годишната српска тенисерка на Ѓорческа ѝ беа потребни еден час и 46 минути.
Во утрешното четвртфинале макеоднската тенисерка ќе игра против Французинката Лоа Буасон, која денеска ја победи Ника Радишич од Словенија со 2-0 во сетови (6-4, 6-2).
Буасон (20) е рангирана на 427. место на ВТА листата, а на турнирот во Куршумлијска бања играше и квалификации. ег/цр
Фото: МИА