Берлин, 8 септември 2024 (МИА) – Германскиот канцелар Олаф Шолц ја отфрли можноста за гласање доверба во парламентот пред изборите следната година, пренесе ДПА.

Во неговото годишно летно интервју за германскиот јавен радиодифузер ЗДФ, кое ќе се емитува вечерва, Шолц рече дека неговата коалициска влада продолжува да има мнозинство во Бундестагот и дека сè уште има работа.

Шолц призна дека нарушениот политички пејзаж на Германија може да го отежне управувањето со земјата, и на државно и на федерално ниво.

- Се плашам дека што и да се случи во следните неколку години, ќе продолжиме да имаме ситуации во Германија во кои е многу комплицирано да се формираат влади, рече германскиот канцелар. јт/

Фото: МИА архива