Алжир, 7 април 2025 (МИА) - Шефот на француската дипломатија Жан-Ноел Баро синоќа, по посетата на Алжир, каде што се сретна со претседателот Абделмаџид Тебун, ја објави желбата на двете земји да „влезат во нова фаза“ и да „свртат страница“ по неодамнешните тензии.

-Со претседателот Тебун ја изразивме нашата заедничка желба да ја подигнеме завесата за обнова на партнерство засновано на принципот на еднаквост и смиреност, рече Баро.

Францускиот министер, кој два и пол часа разговараше со алжирскиот претседател, додаде дека билатералната соработка во сите области ќе продолжи веднаш.

По пристигнувањето во главниот град на Алжир, Баро имаше средба со неговиот алжирски колега Ахмед Атаф.

Алжирските медиуми објавија дека од телефонскиот разговор меѓу францускиот претседател Емануел Макрон и Тебуне на 31 март, билатералниот дијалог е рестартиран и додаваат дека односите се чини дека се движат кон „конструктивен пат“.

Билатералната криза од висок профил меѓу Алжир и неговата поранешна колонијална сила (1830-1962) започна во летото 2024 година, кога Макрон даде целосна поддршка на планот за автономија под марокански суверенитет за Западна Сахара, кој 50 години го туркаа сепаратистите од Полисарио, поддржани од Алжир.

Алжир веднаш го повлече својот амбасадор од Париз.

Тензиите меѓу двете земји се зголемија во текот на есента по апсењето на француско-алжирскиот писател Буалем Сансал во Алжир за изјави кои се сметаат за „напад врз територијалниот интегритет“. Тензиите дополнително се зголемија на почетокот на годината откако Париз побара протерување на некои алжирски влијателни лица, што Алжир го осуди.

Од крајот на Алжирската војна за независност, Франција и Алжир одржуваат истовремено и блиски и сложени билатерални односи. Двете земји имаат силни економски врски, добра разузнавачка соработка, но болно колонијално минато. Во Франција живее и голема алжирска заедница.сд/

фото:ЕПА