Софија, 22 ноември 2025 – Филмот Made in EU на режисерот Стефан Командарев ја освои наградата на публиката на 63-тиот Филмски фестивал во Хихон, Шпанија. Филмот триумфираше во конкуренција со 95 наслови, објавија организаторите.

Ова е веста, која денеска ја избра МИА од сервисот на Бугарската телеграфска агенција (БТА), согласно Договорот за размена на информации и професионална соработка, кој предвидува секој ден националните информативни агенции на Северна Македонија и Бугарија да разменуваат по една вест, која ќе ја објават на својот интернет сајт без промени со изрично посочување и цитирање на партнерот како извор.

Филмот, претставен на 39-тиот фестивал Киноманија, ја доби и наградата на критичарите на Филмскиот фестивал Арас во Франција на 17 ноември.

„За неколку дена, освоивме награда од критичарите во Франција и награда од публиката во Шпанија. Секој режисер сонува за таква комбинација! Ова покажува дека вредно кино може да биде и пријателско кон публиката – нешто во кое длабоко верувам и се обидувам да го постигнам во моите филмови! Честитки до сите со кои го направивме Made in EU!“, рече Стефан Командарев.

Made in EU веќе се прикажува е во кината низ целата земја. Филмот ја раскажува приказната за шивачка од мал град и нејзиниот син. Ива е обвинета дека е причина за појава на пандемија во заедницата и станува жртвено јагне за систем кој со години профитира од нејзиниот труд. Филмот е сниман во Хасково, Димитровград, Мадан и Рудозем. Во филмот глумат Гергана Плетњова, Тодор Коцев, Герасим Георгиев-Геро, Ивајло Христов, Анастасија Ингилизова, Иван Бурнев, Ованес Торосијан, Мартина Пенева и други.

Медиумската информативна агенција овие текстови ги објавува во оригинална форма, согласно Договорот за размена на информации и професионална соработка меѓу двете национални новински агенции МИА и БТА.