Софија, 11 март 2026 - Дванаесет филмови ќе се натпреваруваат во меѓународната конкуренција на 30-тиот Софиски филмски фестивал, што годинава се одржува по 24-ти пат во Софија, објавија организаторите на фестивалот.

Жирито, кое ќе ја додели главната награда „Софија - град на киното“, е составено од претседателот Ѓерѓ Палфи (Унгарија), како и Јана Титова (Бугарија), Матео Зопис (Италија), Жана Озирна (Украина) и Павел Г. Веснаков (Бугарија).

Ова е веста, која денеска ја избра МИА од сервисот на Бугарската телеграфска агенција (БТА), согласно Договорот за размена на информации и професионална соработка, кој предвидува секој ден националните информативни агенции на Северна Македонија и Бугарија да разменуваат по една вест, која ќе ја објават на својот интернет сајт без промени со изрично посочување и цитирање на партнерот како извор.

Меѓу филмовите во конкуренцијата, се издвојува „Држи се до мене“ од кипарско-данско-грчката копродукција на режисерката Мирсини Аристиду, кој ја освои наградата на публиката на Филмскиот фестивал Санденс. Бугарската актерка Марија Петрова ја игра главната улога. Аристиду и Петрова лично ќе го претстават филмот на фестивалската публика. Пред неколку дена, авторитативната агенција United Talents Agency потпиша договор со режисерката.

Во конкуренција за награда ќе бидат и два бугарски филма. Станува збор за „Жени надвор од употреба“ од Александар Косев и „Похота“ од Ралица Петрова, копродукција со Данска и Шведска.

На програмата се и „Ќерката на кондорот“ (Боливија-Перу-Уругвај), „Живот во еден удар“ (Грција-Кипар-Бугарија-Северна Македонија-Црна Гора-Франција), „Кино Џазира“ (Турција-Иран-Бугарија-Романија), „Нина Роса“ (Канада-Италија-Бугарија-Белгија), „Судењето на Хајн“ (Германија), „Безбедно место“ (Романија), „Диригентот“ (Чешка-Словачка), „Депонија на безимените“ (Турција) и „Сенката на номадите“ (САД-Шпанија-Франција).

______________________________________________________________________________________

Медиумската информативна агенција овие текстови ги објавува во оригинална форма, согласно Договорот за размена на информации и професионална соработка меѓу двете национални новински агенции МИА и БТА.