Киев, 15 октомври 2024 (МИА) – Припадници на украинската армија влегуваат во ресторани, барови и концертна сала во Киев, ги проверуваат документите за воена регистрација и ги приведуваат мажите кои не се јавиле да служат војска, објавија локалните медиуми.

Објавени се и видеоснимки како украински офицери на 11 октомври се распоредени пред салата Палата на спортот во Киев, каде украинската рок група „Оушн Елзи“ имаше концерт. При излезот офицерите ги проверуваа документите и приведоа неколку мажи.

Проверки биле извршени и во луксузниот трговски центар „Гудвин“ и во популарниот киевски ресторан „Авалон“.

Според локалните извештаи, рации биле извршени и во клубови и ресторани во други украински градови, вклучително Харков и Дњепар во источна и централна Украина.

Сите украински мажи на возраст од 25 до 60 години се предмет на регрутирање, а на мажите на возраст од 18 до 60 години не им е дозволено да ја напуштат земјата. ми/

фото: МИ архива