Студентскиот Совет при „Мајка Тереза“ бара да се врати стариот метод на субвенциониран оброк
- Студентскиот Совет при Универзитетот „Мајка Тереза" бара од Министерството за образование да го врати стариот метод на субвенциониран оброк.
![Студентскиот Совет при „Мајка Тереза“ бара да се врати стариот метод на субвенциониран оброк](https://new.mia.mk/images/20231107121247_big_730x400_4.webp )
Скопје, 7 ноември 2023 (МИА) - Студентскиот Совет при Универзитетот „Мајка Тереза" бара од Министерството за образование да го врати стариот метод на субвенциониран оброк.
Моменталниот начин на субвенционирање е несоодветен и ограничен, се наведува во соопштението на студентскиот Совет, бидејќи како што стои во соопштението, тие не можат да ги задоволат секојдневните потреби.
-Понудената сума од 140 денари е недоволна за основната исхрана и задоволство на нашите студенти. Ние бараме од Министерството за образование и наука да го рецензира моменталниот Закон и да се врати на претходниот начин на користење на финансиската вредност за студентите, стои во соопштението на студентскиот Совет.
Тие додаваат дека од суштинска потреба е да се зголеми сумата на субвенционирање во согласност со растот на инфлацијата и актуелните економски услови.
-Се надеваме дека ова барање ќе се земе сериозно во предвид и ќе наиде на решение, кое ќе го олесни товарот на студентите и ќе помогне во обезбедувањето на подобро образование, велат од студентскиот Совет при „Мајка Тереза“. ра/ац/
Фото: Студентски Совет при Универзитетот „Мајка Тереза"