Столтенберг ја одобрува украинската офанзива во Русија, тврди дека НАТО не учествува и не ја планирал
- Генералниот секретар на НАТО Јенс Столтенберг изјави дека ја одобрува офанзивата на Украина во регионот Курск во Русија, наведувајќи го правото на Киев да се брани.
![Столтенберг ја одобрува украинската офанзива во Русија, тврди дека НАТО не учествува и не ја планирал](https://new.mia.mk/images/20240831092048_big_730x400_76.webp )
Берлин, 31 август 2024 (МИА) - Генералниот секретар на НАТО Јенс Столтенберг изјави дека ја одобрува офанзивата на Украина во регионот Курск во Русија, наведувајќи го правото на Киев да се брани.
- Руските војници, тенкови и воени бази се легитимни цели според меѓународното право, вели Столтенберг за германскиот весник „Ди Велт“.
Правото на самоодбрана на Украина, која беше нападната од Русија пред повеќе од 900 дена, „не застанува на границата“, смета генералниот секретар на НАТО.
Според него, украинската контраофанзива не била планирана со НАТО и Алијансата нема никаква улога.
- Сепак, НАТО ќе продолжи да ја поддржува Украина со снабдување со оружје и опрема од витално значење за да се спречи руската инвазија, додаде Столтенберг.са/
Фото: МИА архива