Социјалистичката партија на Македонија: Неопходни се промени за изградба на независно, ефикасно и професионално судство и обвинителство
Скопје, 30 јули 2024
Социјалистичката партија на Македонија укажува дека оценките за владеењето на правото само ги потврдуваат негативните состојби во македонскиот правен и политички систем.
Неопходноста од промени во овие сегменти станува итна за да запрат негативните тенденции и нискиот рејтинг што е изграден кај граѓаните во Македонија.
Одредени иницијативи за промени кои се најавувани од претставници на власта се оценувани како недоволни од опозицијата и одредени странски претставници, но не се понудени решенија кои би значеле сериозна промена на овие значајни сегменти на власта.
Социјалистичката партија на Македонија истакнува дека македонскиот полтички систем мора да изгради конзистентни решенија и да го обликува владеењето на правото според европските стандарди и принципи. Барањато да нема промени во постојните институционални решенија всушност е задржување на статус кво што води кон натамошно слабеење на судската власт и дерогирање на целокупниот политички систем во државата.Неопходни се промени за изградба на независно, ефикасно и професионално судство и обвинителство што бараат граѓаните и ЕУ.
Социјалистичката партија на Македонија укажува дека за криминалните активности и корупцијата од досегашното владеење на СДС и ДУИ неопходно е ефикасно обвинителство и независно судство што ќе значат системски промени кои граѓаните и ЕУ ги очекуваат.
Социјалистичката партија на Македонија
__________________________________________________________
МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.
