Струга, 27 август 2025 (МИА) -  Соборниот храм „Свети Ѓорѓи“ - Струга информира дека утре, на празникот Успение на Пресвета Богородица или Голема Богородица, света Божествена литургија ќе се одржи кај параклисот Воведение Богородично во близина на Женска плажа.

- Ве повикуваме сите заедно да ја прославиме Божјата Мајка, онака како што доликува на нејзините верни чеда. Оваа година нашата должност кон неа е уште поголема, бидејќи таа после долго време нѐ собра повторно онаму каде што со векови се прославувала таа како Богомајка и родителка на нашиот Господ, стои во информацијата на Соборниот храм.

Празничната утрена литургија, како што е најавено, ќе почне во 8  часот, а света Божествена литургија во 9 часот. сс/са/

Фото: МИА