Вашингтон, 2 јули 2024 (МИА) - САД ги депортираа Кинезите кои се обидоа илегално да влезат во земјата назад во Кина во текот на викендот со првиот голем чартер лет од 2018 година, соопшти денеска Министерството за внатрешна безбедност, пренесоа британските медиуми.

Одделот не прецизираше колку луѓе имало на летот.

Соединетите Држави и Кина работат на намалување на илегалната миграција и борбата против шверцот со луѓе, соопшти ДХС.

-Ќе продолжиме да ги спроведуваме нашите закони за имиграција и да отстрануваме поединци без правна основа да останат во Соединетите држави, рече секретарот на ДХС, Алехандро Мајоркас во соопштението.

Скоро 56.000 кинески мигранти биле забележани и на југозападната граница со Мексико и на северната граница со Канада, преминувајќи помеѓу и на влезните пристаништа во фискалната 2024 година до мај, според податоците на американската влада. Тоа е повеќе од 52.700 што преминаа во целата фискална 2023 година што заврши во октомври. мс/

фото: МИА архива