Москва, 10 октомври 2024 (МИА) - Групата од пет нуклеарни сили ќе одржи состанок во Њујорк во блиска иднина, јавија руските медиуми, повикувајќи се на изјава на заменик-министерот за надворешни работи на Русија, Сергеј Рјабков.

„Петте“ нуклеарни земји - Русија, САД, Кина, Франција и Велика Британија, се вооружени со нуклеарно оружје и се постојани членки на Советот за безбедност на ОН.

Рјабков не соопшти конкретен датум за средбата, ниту пак најави на кое ниво ќе бидат функционерите кои ќе учествуваат на состанокот. зш/