Приведена кумановка, расчистени две кражби во куќи во Куманово
- Полициски службеници од СВР Куманово вчера во 13.15 часот, ја лишиле од слобода М.З. (25) од Куманово осомничена дека истиот ден влегла во две куќи во Куманово и одзела предмети и пари.
Скопје, 24 октомври 2023 (МИА) - Полициски службеници од СВР Куманово вчера во 13.15 часот, ја лишиле од слобода М.З. (25) од Куманово осомничена дека истиот ден влегла во две куќи во Куманово и одзела предмети и пари.
МВР денеска информира дека дел од предметите биле пронајдени и вратени на сопствениците. М.З. била приведена во полициска станица и по целосно документирање на случајот против неа ќе биде поднесена соодветна пријава. цр/са/
Фото: МИА архива