Демир Капија, 31 октомври 2024 (МИА) – Познати се добитниците на општинските награда и признанија во Демир Капија, во чест на јубилејните осумдесет години од ослободувањето, што ќе се одбележат на 7 ноември, информираа вечерва од демиркаписката локална самоуправа. Одлуката била донесена на 39 седница на Советот на Општина Демир Капија.

- За развој и унапредување на општината, за нејзин севкупен напредок и афирмација, наградата ќе биде доделена на Александар Арсов, за значајни остварувања во областа на културата. Ќе бидат доделени и неколку признанија. На Игор Ристовски за успешни активности и проекти во областа на животната средина, на Александра Миладинова заради придонесот во областа на образованието, на Дарио Милошевиќ, за посебен придонес и афирмација на општината во областа на туризмот, Canyon dog ranch, заради хуман третман за заштита и благосостојба на животните, појаснија од Општината.

Оттаму додадоа дека во чест на јубилејот, подготвуваат богата петдневна програма, исполнета со разновидни активности за секоја генерација.

- Овој јубилеј е повеќе од обичен празник, тој е спомен на жртвите и борбите што овозможија денес Демир Капија да биде град кој е слободен, жив и полн со потенцијал, подвлекоа од локална самоуправа Демир Капија. сд/ир/

Фото: Петре Пашоев