Повторно штрајкуваат вработените во лондонското метро
- Лондон е парализиран поради штрајкот на вработените во метрото. Националниот синдикат (РМТ) е против на намалувањето на трошоците и на укинување на околу 600 работни места
![Повторно штрајкуваат вработените во лондонското метро](https://new.mia.mk/images/20221114025121_big_730x400_2.webp )
Лондон, 10 ноември 2022 (МИА) - Лондон е парализиран поради штрајкот на вработените во метрото. Националниот синдикат (РМТ) е против на намалувањето на трошоците и на укинување на околу 600 работни места.
Најстарото метро во светот утринава речиси целосно беше парализирано бидејќи повеќето линии беа запрени. Со лондонското метро се превезуваат околу пет милиони патници дневно.
РМТ е против и проектот на операторот за промена на начинот на финансирање на пензиите.
Денеска и вработените во париското метро стапија во штрајк барајќи повисоки плата. ми/