Абу Даби, 17 февруари 2020 (МИА) - Обединетите Арапски Емирати (ОАЕ) дадоа зелено светло за почеток на работата на нуклеарната електрана Барака, прва во арапскиот свет, соопшти денеска постојаниот претставник на ОАЕ во Меѓународната агенција за атомска енергија (МААЕ). - Федералното тело за нуклеарна регулација одобри издавање на оперативна дозвола за реакторот 1 на овој објект, рече Хамад Алкаби на прес-конференција во Абу Даби. Тој додаде дека централа ќе почне да работи наскоро. јт/