Научници од Бугарија и странство се собираат во Казанлак на 15-тото издание на конференцијата „Проблеми и истражување на тракиската култура“
- На конференцијата ќе учествуваат и бугарски и странски специјалисти. Д-р Консуело Манета ќе презентира извештај за гробницата Казанлак, а проф. Масуд Афзади и проф. Рухолах Зошк ќе се приклучат на состанокот на 31 август со извештаи. Ќе учестуваат и научници од Националниот археолошки институт со музеј (НАИМ) при Бугарската академија на науките (БАН), од Националниот историски музеј, од софискиот универзитет „Св. Климент Охридски“ и други.
![Научници од Бугарија и странство се собираат во Казанлак на 15-тото издание на конференцијата „Проблеми и истражување на тракиската култура“](https://new.mia.mk/images/20240821151924_big_730x400_93.webp )
Софија, 21 август 2024 (МИА) - За време на празниците во долината на тракиските кралеви, истражувачи од земјата и странство ќе ги претстават своите извештаи во рамките на конференцијата „Проблеми и студии за тракиската култура“, соопштија од прес-центарот на општина Казанлак за петнаесеттото издание на научниот форум.
На 30 и 31 август во мултимедијалната сала на Историскиот музеј ќе бидат презентирани седумнаесет извештаи од дваесет автори, од кои дел ќе бидат посветени на наоди од секојдневниот живот на Тракијците, археолошки локалитети и споменици, тракиски практики и други. Извештаите од вториот ден ги обединува темата за односите меѓу Античка Тракија и Персија. На конференцијата се вклучени и студии поврзани со споменици од регионот на долината Казанлак - садови од гробницата Казанлак, гробот на Севт III и други.
Ова е веста, која денеска ја избра МИА од сервисот на Бугарската телеграфска агенција (БТА), согласно Договорот за размена на информации и професионална соработка, кој предвидува секој ден националните информативни агенции на Северна Македонија и Бугарија да разменуваат по една вест, која ќе ја објават на својот интернет сајт без промени со изрично посочување и цитирање на партнерот како извор.
На конференцијата ќе учествуваат и бугарски и странски специјалисти. Д-р Консуело Манета ќе презентира извештај за гробницата Казанлак, а проф. Масуд Афзади и проф. Рухолах Зошк ќе се приклучат на состанокот на 31 август со извештаи. Ќе учестуваат и научници од Националниот археолошки институт со музеј (НАИМ) при Бугарската академија на науките (БАН), од Националниот историски музеј, од софискиот универзитет „Св. Климент Охридски“ и други.
БТА потсетува дека изложбата „Оклопи на тракиските воини“ постави симболичен почеток на празниците во долината на тракиските кралеви. Изложбата е дел од научниот проект на НАИМ при БАН и софискиот универзитет „Свети Климент Охридски“. Секоја година, празниците во долината на тракиските кралеви ги обединуваат традиционалните и модерните форми на различни видови уметност - музика, визуелна и театарска уметност, фотографија и нови технологии, а целта на локалната администрација е да го промовира богатото културно наследство на античкиот Тракијците на разновиден и модерен начин.
___________________________________________________________________________________
Медиумската информативна агенција овие текстови ги објавува во оригинална форма, согласно Договорот за размена на информации и професионална соработка меѓу двете национални новински агенции МИА и БТА.