Мисајловски: Законите за автопатите на „Бехтел и Енка“ не се реформски процеси и тие не смеат да бидат со европско знаменце
- „На сила ако пројдат овие закони тогаш ќе ја видиме најголемата пљачка во историјата на Република Македонија. Затоа сме тука да разговараме со граѓаните. Пратениците на ВМРО-ДПМНЕ ќе дадат се од себе да ги спречат овие закони, но и сакаме да има расправа, јавна дебата и да се покаже договорот, но некој ептен го крие овој договор и ептен ја крие позадината. Со овој последен чин и гест ова е срам за Македонија“, потенцираше Мисајловски.
![Мисајловски: Законите за автопатите на „Бехтел и Енка“ не се реформски процеси и тие не смеат да бидат со европско знаменце](https://new.mia.mk/images/20230506094116_big_730x400_84.webp )
6 мај 2023
ВМРО-ДПМНЕ продолжува на терен во повеќе населени места тука во Гази Баба. Ќе разговараме за сите актуелни проблеми и сите теми кои моментално ја тиштат Македонија, а секако се разбира една од главните теми моментално е темата со автопатите со „Бехтел и Енка“, истакна потпретседателот на ВМРО-ДПМНЕ Владо Мисајловски при теренската посета на ВМРО-ДПМНЕ „Ова е Македонија за сите“ во населеното место Стајковци во Гази Баба.
„Наместо да идат во Собрание по регулатива како што е по процедура, во комисиите оние кои што се задолжени да се расправаат законите денеска слушнавме една брука. Слушнавме дека сакаат со Европско знаменце и да нема расправа за овие закони бидејќи со Европско знаменце за два дена треба да поминат и тоа е пљачка на векот“, рече Мисајловски
Мисајловски истакна дека сега е моментот и добро е што Европска Унија веднаш кажа дека не е потребно европско знаменце на вакви закони. Тоа не се реформски закони и не смеат да бидат со европско знаменце.
„На сила ако пројдат овие закони тогаш ќе ја видиме најголемата пљачка во историјата на Република Македонија. Затоа сме тука да разговараме со граѓаните. Пратениците на ВМРО-ДПМНЕ ќе дадат се од себе да ги спречат овие закони, но и сакаме да има расправа, јавна дебата и да се покаже договорот, но некој ептен го крие овој договор и ептен ја крие позадината. Со овој последен чин и гест ова е срам за Македонија“, потенцираше Мисајловски.
Тој заклучи дека сега има задача Европската Унија со делегацијата која што е во Македонија да каже не за овие закони, бидејќи најдобро е тие да идат во матичните комисии и таму да се разговара.
Пратеничката Дафина Стојаноска ја посети општина Долнени односно селата Заполжани, Дреновци, Дупјачани и Сенокос при акцијата „Ова е Македонија за сите“, при што разговараше со граѓаните од овие населени места за нивните проблеми и маки.
„Денес повторно бев во општина Долнени и ги посетив селата Заполжани, Дреновци, Дупјачани и Сенокос од каде вечерва се обраќам, тоа е последната посета. Инаку повторно го имаме истиот впечаток разочараност кај луѓето како од централна така и од локална власт“, истакна пратеничката Дафина Стојаноска.
Таа нагласи дека при средбата со граѓаните се разговараше буквално на сите теми кои што ги засегаат.
„Но, она денес што најмногу беше актуелно за што се запознаени секако и овие луѓе тука е најактуелната тема во Република Македонија која што се случува, а тоа е криминалниот договор за автопатите на коридорот 8 и 10Д, односно договорот со „Бехтел и Енка“, за кој што денес Артан Груби и Димитар Ковачевски добија црвен картон и од ЕУ бидејќи сакаат по не знам којпат да го злоупотребат европското знаменце“, укажа Стојаноска.
Стојаноска посочи дека се договори со граѓаните да постави јавно прашање до актуелната криминална власт, а тоа е дали со сумата од повеќе од 200 милиони евра која што се потроши без воопшто да се види договор или да започне барем еден метар од изградба на автопатот, дали со тие пари во Република Македонија ќе беа асфалтирани сите селски патишта и ќе беа задоволени секојдневните барања на жителите низ сите македонски населени места.
Центар за комуникации ВМРО-ДПМНЕ
фото ВМРО ДПМНЕ
________________________________________________________________________________________
МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.