Министерката Божиновска на средба со претставници на ОМД
- Со актуелниот директор на ОМД за Македонија и Европа, Гордан Јорданов и со ко-основачот потпретседателот Александар Митревски се разговараше за низа актуелни теми и трендови од областа на енергетиката, соопшти кабинетот на министерката Божиновска.
![Министерката Божиновска на средба со претставници на ОМД](https://new.mia.mk/images/20240806163403_big_730x400_47.webp )
Скопје, 6 авгуист 2024 (МИА) - Министерката за енергетика, рударство и минерални суровини Сања Божиновска, денеска имаше работна средба со претставници на Обединетата македонска дијаспора (ОМД).
Со актуелниот директор на ОМД за Македонија и Европа, Гордан Јорданов и со ко-основачот потпретседателот Александар Митревски се разговараше за низа актуелни теми и трендови од областа на енергетиката, соопшти кабинетот на министерката Божиновска.
- Отворената и проактивна соработка со кадри кои своите кариерни портфолија ги градат во земјите низ светот е од клучно значење за привлекување нови инвестиции со фокус на енергетиката. Сметам дека споделувањето на искуства од наши успешни и докажани професионалци – експерти од областите кои се предмет на дејствување на новото министерство, ќе бидат додадена вредност за претстојните активности. Секоја подадена рака од различни страни е добредојдена во насока на реализација на идните планови на Владата, нагласи Божиновска на средбата со претставниците на ОМД.
Ресорното минстерство и во претстојниот период продолжува со низа средби со различни чинители, во насока на обезбедување платформа за интензивни инвестициски активности, се вели во соопштението од кабинетот на Божиновска.са/
Фото: кабинет на министерката Сања Божиновска