Метрополитен операта нема да соработува со оперската дива Нетребко
- Мојот став е јасен. Никогаш не сум била член на партија или поврзана со некој руски лидер, изјави руската оперска сопранистка.
![Метрополитен операта нема да соработува со оперската дива Нетребко](https://new.mia.mk/images/20221112162205_big_730x400_61.webp )
Њујорк, 31 март 2022 (МИА) - Дури и откако Ана Нетребко изјави дека не ја поддржува политиката на рускиот претседател Владимир Путин и војната во Украина, њујоршката Метрополитен опера соопшти оти, барем засега, сепак нема да ја продолжи соработката со руската дива.
- Силно ја осудувам војната во Украина и моите мисли се со жртвите од војната и нивните семејства. Мојот став е јасен. Никогаш не сум била член на партија или поврзана со некој руски лидер, изјави руската оперска сопранистка Нетребко.
Питер Гелб, директор на Метрополитен операта, се огласи по тој повод.
- Дури и по читањето на изјавата на Ана, не сме подготвени да го промениме ставот, изјави Гелб.
Тој додаде дека „ако Ана покаже дека сериозно, целосно и долгорочно се дистанцирала од Путин“, тогаш ќе биде подготвен за разговор. си/ми/