Маврово и Ростуше објави конкурс за доделување еднократна помош за сите студенти од општината
- Општина Маврово и Ростуше објави конкурс за доделување еднократен финансиски надомест во износ од по 6.000 денари за редовни и вонредни студенти од оваа општина.
![Маврово и Ростуше објави конкурс за доделување еднократна помош за сите студенти од општината](https://new.mia.mk/images/20221112031859_big_730x400_84.webp )
Дебар, 20 јануари 2022 (МИА) - Општина Маврово и Ростуше објави конкурс за доделување еднократен финансиски надомест во износ од по 6.000 денари за редовни и вонредни студенти од оваа општина.
-Може да конкурираат редовни студенти, како и вонредни, но кои не се вработени, а се запишани на додипломски студии од прв циклус на јавните и приватните универзитети и високообразовни установи во Република Северна Македонија за студиската 2021/2022 година. Барањето може да се преземе преку линкот поставен на веб страницата на општината или во општината, изјави за МИА Омер Муратоски, овластен службеник за млади.
Додава дека цел е мотивирање на младите да го продолжат школувањето на високо образовните институции и да се трудат редовно да ги полагаат испитите.
Како што додаде, по 6.000 денари еднократно, ќе добие секој студент кој запишал прва година односно прв семестар на некои од државните и приватните универзитети во државата, секој студент кој запишал втора година односно трет семестар, трета година односно петти семестар, како и четврта година односно седми семестар.
-Ова право ќе може да го остварат сите студенти кои се со адреса на живеење во општина Маврово и Ростуше. Не е потребен просек туку единствен услов е редовно полагање на испитите. Конкурсот трае до 7-ми идниот месец, кога ќе го знаеме точниот број, но наша првична оценка е дека со ова мерка ќе бидат опфатени четириесеттина студенти, додава Муратоски.
Оваа општина од 2018 година еднократна парична помош во износ од по 5.000 денари доделува и за секое новороденче во семејства кои живеат постојано на територијата на општина Маврово и Ростуше.вт/бт/
![Омер Муратоски](/articles/images/%d0%bc%d0%b0%d0%b2%d1%80%d0%be%d0%b2%d0%be-%d0%b8-%d1%80%d0%be%d1%81%d/it6XAUpgI/placeholder.webp?use_watermark=0)