Притвор за осомничениот за подметнување на пожарот во угостителскиот објект во Охрид
- Судија на претходна постапка на М.У. му одреди мерка притвор во траење од 30 дена, по што осомничениот е префрлен во Казнено - поправната установа „Затвор“ - Охрид за издржување на мерката.
Охрид, 19 март 2024 (МИА) – Секторот за внатрешни работи – Охрид поднесе кривична пријава против лицето М.У.(20) од Скопје, осомничено дека е подметнувач на пожарот во кој целосно изгоре угостителски објект во зградата на Градскиот пазар во Охрид.
Според полициското соопштение, осомничениот на 10-ти овој месец во 03:40 часот, со уште едно лице со запалива течност го предизвикал пожарот во објектот на булеварот „Туристичка“ во Охрид.
На М.У. му е одреден притвор од 30 дена. Осомничениот е префрлен во Казнено - поправната установа „Затвор“ - Охрид. аб/бак/
Фото: МИА