Буенос Аирес, 30 јули 2023 (МИА) - Бока Јуниорс го објави потписот со напаѓачот Единсон Кавани. Страните потпишаа договор до крајот на 2024 година. 

Триесет и шестгодишниот Уругваец во новиот тим дојде како слободен играч. На 29 јули го раскина договорот со Валенсија.

Претходно беше објавено дека напаѓачот ќе може да игра за Бока Јуниорс на натпреварот против Национал на 3 август.

Кавани минатата сезона забележа 28 настапи за Валенсија во сите натпреварувања, постигнувајќи седум гола и две асистенции. зс/

Фото: ЕПА