Ерусалим, 3 јануари 2025 (МИА) - Израелската армија денеска соопшти дека два проектили биле истрелани кон израелска територија од северот на Појасот Газа, каде што војната против палестинската исламистичка организација Хамас трае речиси 15 месеци.

-Два проектили навлегоа на израелска територија од северот на Појасот Газа. Еден падна во близина на Кибуц Нир Ам, а другиот во ненаселена област. Нема извештаи за повредени, се вели во военото соопштение.

Израелскиот министер за одбрана, Израел Кац во средата се закани дека ќе ги зголеми нападите врз Појасот Газа доколку Хамас продолжи да го гаѓа Израел. мс/

фото: ЕПА