Куманово, 24 април 2024 (МИА) -  Во Куманово според податоците на Државната изборна комисија (ДИК) до 15 часот гласале 33,98 проценти од обработените 84,25 отсто од податоците. Во Куманово право на глас имаат 93.364 гласачи кои гласаат на 167 избирачки места.

Во Липково, како што е наведено на ДИК, гласале 25,51 проценти од 99,90 отсто од обработените податоци. Во оваа општина право на глас имаат 25.998 избирачи кои гласаат на 36 места.

Според податоците на ДИК во Старо Нагоричане до 15 часот гласале 35,16 проценти од обработените 99,87 проценти. Таму право на глас имаат 3.043 гласачи кои гласаат на 38 избирачки места од кои две се споени, односно ги опслужуваат 36 избирачки одбори. ам/вј/

Фото: МИА