И старото возило е во функционална состојба, сервисирано и претпријатието ќе побара од советот да се обезбеди согласност за паралелно функационирање на двете возила.

- Од едно претпријатие загубар ние ќе бидеме со позитивно работење, во тек е изработката на финансискиот извештај. Над 60 проценти имаме повеќе приход во работата, некаде околу десет милиони е разликата во приходите, изјави директорот на ЈП „Куманово Паркинг“, Сашо Петрушевски.

За зона „Б“ веќе се подготвени проекти кај училиштето „Бајрам Шабани“ кај „Поток Серава“, пред градскиот базен кој советот го додели како имот на ЈП.

- После завршување на правните процедури, дозволи, пролетва почнуваме со исцртување на „Б“ зона, со која ќе се растовари „А“ зона, сообраќајниот метеж, ќе има побезбедно движење на пешаците, изјави Петрушевски.

Во „А“ зона има 580 паркинг места, со „Б“ се планираат од 300 до 400 места. Цените годинава нема да се зголемат „А“ зона е 30, „Б“ 20 денари. ам/цр