Брисел, 23 април 2024 (МИА) - Европската унија денеска ги повика донаторите на Агенцијата на ОН за палестински бегалци (УНРВА) да продолжат да даваат поддршка еден ден по објавувањето на извештајот во кој се споменуваат проблемите со политичката неутралност на агенцијата.

„Ги повикувам донаторите да ја поддржат УНРВА, која е од витално значење за палестинските бегалци“, напиша денеска европскиот комесар за хуманитарна помош Јанез Ленарчич на платформата Х.

ЕУ е најголемиот донатор на УНРВА.

Ленарчич рече дека го поздравува извештајот нарачан од ОН од поранешната француска министерка за надворешни работи Кетрин Колона, за кој рече дека „го нагласува системот за усогласеност воспоставен од агенцијата на ОН“ за да се гарантира неговиот интегритет и неутралност по израелското обвинување. паг/

Фото: МИА архива