Естонскиот парламент ја потврди смената на Каја Калас
- Естонскиот парламент денеска ја потврди смената на досегашната премиерка Каја Калас. На таа позиција ќе ја замени министерот за клима Кристен Михал.
![Естонскиот парламент ја потврди смената на Каја Калас](https://new.mia.mk/images/20240722154103_big_730x400_36.webp )
Талин, 22 јули 2024 (МИА) - Естонскиот парламент денеска ја потврди смената на досегашната премиерка Каја Калас. На таа позиција ќе ја замени министерот за клима Кристен Михал.
Калас, која е на чело на владата од 2021 година, неодамна поднесе оставка за да ја преземе функцијата висок претставник на Европската унија за надворешна политика.
Михал (49), кој исто како Калас е од либералната Реформска партија, ќе ја предводи истата мнозинска коалиција на десниот центар како и неговата претходничка, заедно со либералната партија Естонија 200 и социјалдемократите.
Новата влада утре треба да положи заклетва. паг/
Фото: Х