Струга, 19 октомври 2025 (МИА) - До 11 часот во Струга гласале 8,2 проценти од вкупно 61.956 регистрирани гласачи, а во Вевчани 16,02 отсто од 2.090 гласачи, информираат за МИА претседателите на општинските изборни комисии, Минир Жута и Менка Кукоска.

Изборниот ден, според нив, во двете општини тече мирно без нарушувања.

Во Струга се гласа на 101 избирачко место, а граѓаните избираат меѓу девет кандидати за градоначалник и 10 советнички листи. Во Вевчани се избира меѓу тројца кандидати за градоначалник и четири листи за советот. сс/вј/

Фото: МИА