Во Крива Паланка ќе биде отворена детска градинка со капацитет за 102 деца
- Министерката за труд и социјална политика Јованка Тренчевска денеска се сретна со градоначалникот на Крива Паланка, Сашко Митовски. На средбата, како што соопшти МТСП, станало збор за проекти
![Во Крива Паланка ќе биде отворена детска градинка со капацитет за 102 деца](https://new.mia.mk/images/20221112041548_big_730x400_54.webp )
Скопје, 2 февруари 2022 (МИА) - Министерката за труд и социјална политика Јованка Тренчевска денеска се сретна со градоначалникот на Крива Паланка, Сашко Митовски. На средбата, како што соопшти МТСП, станало збор за проектите кои Министерството и општината ги спроведуваат заедно.
Министерката Тренчевска, го информирала Митовски дека и во наредниот период очекува активно да се спроведува Проектот за подобрување на социјалните услуги и сеопфатната социјалната реформа која ја спроведуваат Владата и Министерството за труд и социјална политика, со поддршка од Светската банка.
-За брза реализација на проектите неопходна е успешна соработка на централната и локалната власт бидејќи само така ќе имаме задоволни граѓани. Таква е соработката со општината Крива Паланка, каде во завршна фаза е детската градинка „Детелника“ која очекуваме наскоро да се отвори и да згрижи 102 деца, посочила Тренчевска.
Градоначалникот Митовски, ја информирал министерката Тренчевска, дека Oпштината е заинтересирана на нејзина територија, со поддршка на МТСП, да биде отворена Установа за вонсемејна заштита на стари лица. сст/дма/
![thumbnail_slika1 kriva palanka](/articles/images/%d0%b2%d0%be-%d0%ba%d1%80%d0%b8%d0%b2%d0%b0-%d0%bf%d0%b0%d0%bb%d0%b0%d/kWKKZ3G6t/placeholder.webp?use_watermark=0)