Велес, 4 ноември 2024(МИА) - Од Територијалната Противпожарна Единица Велес  во предсезоната на затоплување,  апелираат до граѓаните, особено тие кои ги затоплуваат домовите со огревно дрво, за редовно чистење на оџаците со цел да не се предизвика катастрофа, да им се запалат куќите или станбените згради.

Воедно информираат дека вчера се запалил прв оџак оваа претсезона, но за среќа во несреќата немало потреба од нивна интервенција.Тие појаснуваат дека вчера попладне, во Велес на улица „Наце Димов“.се запалил оџак од куќа, Сопствениците на куќата веднаш побарале помош од пожарникарите на Територијалната Противпожарна Единица Велес.

Од ТППЕ Велес информираат дека двајца пожарникари со едно противпожарно возило излегле на терен за да интервенираат. По пристигнување на лице место извршиле само контрола и утврдиле дека нема настанато штета.

Додаваат дека затоа е подобро да се спречи да настане трагедија,а за таа намена граѓаните треба редовно да ги чистат оџаците на своите куќи и станбени единици. ад/цр

Фото: МИА