Валверде ги одби Саудијците и Баерн летото, тој сонува да стане капитен на Реал
- Федерико Валверде одби да го напушти Реал Мадрид пред неколку месеци. Според Марка, минатото лето Валверде добил многу голема понуда од клуб од Саудиска Арабија. Покрај тоа, Баерн претходно го контактираше.
![Валверде ги одби Саудијците и Баерн летото, тој сонува да стане капитен на Реал](https://new.mia.mk/images/20231203172836_big_730x400_99.webp )
Мадрид, 3 декември 2023 (МИА) - Федерико Валверде одби да го напушти Реал Мадрид пред неколку месеци. Според Марка, минатото лето Валверде добил многу голема понуда од клуб од Саудиска Арабија. Покрај тоа, Баерн претходно го контактираше.
Сепак, Федерико не ја ни разгледувал опцијата да го напушти Реал Мадрид - тој сонува да стане капитен на тимот. Карло Анчелоти и другите во Реал Мадрид сметаат дека Валверде е природен лидер на клубот.
За играчот од средниот ред, за кого Реал плати пет милиони евра, неименуваниот саудиски клуб бил подготвен да плати околу 100 милиони евра.
Во исто време управата на Мадрид преговараше со Валверде за нов договор. Во ноември беше најавено потпишување на нов договор - неговото времетраење е до 2029 година.
Оваа сезона 25-годишниот играч од средниот ред одигра 20 натпревари за клубот, на кои постигна еден гол и три асистенции. зс/
Фото: ЕПА