Будимпешта подготвена да биде домаќин на Олимписките игри во 2036 година
- Унгарскиот премиер Виктор Орбан изјави дека Летните олимписки игри во 2036 година би можеле да се одржат во Будимпешта.
![Будимпешта подготвена да биде домаќин на Олимписките игри во 2036 година](https://new.mia.mk/images/20240824175407_big_730x400_65.webp )
Будимпешта, 24 август 2024 (МИА) - Унгарскиот премиер Виктор Орбан изјави дека Летните олимписки игри во 2036 година би можеле да се одржат во Будимпешта.
- Можеме да бидеме домаќини на Олимпијадата оваа година, ако сакаме можеме да бидеме домаќини во 2036 година. Мислам дека ниту едно друго место нема подобро да се усогласи со принципите прогласени од Меѓународниот олимписки комитет од Будимпешта и Унгарија, изјави Орбан за „Nemzeti Sport“.
Според него, ниту една друга земја во светот нема толкав број современи капацитети погодни за домаќин на Олимписките игри како во Унгарија.
- Имаме се. На некои мали сали им треба малку средување и добредојдени сте, додаде Орбан.
Последните Олимписки игри се одржаа од 26 јули до 11 август оваа година во Париз.
По четири години Олимпијадата ќе се одржи во Лос Анџелес (САД). зс/
Фото: ЕПА